ابوذيات وزهيري

يا گاطع بالهجر الارحام وصّـل
ومد جسور وللصوبين وصـل
لعگرب لا تأمن يوم ولصـل
يلدغك لو چنتله بيوم اخيه

يـحلو الاطبـاع واصلني وقارب_
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

اجيت انشد هلك يا طيب بجاي
احبك من جنت بالمهد بجاي
حبيبي ولو تحطلي زهر بالجاي
اجرعه ولا يظل كل الم بيه



يازين في عشرتك مالك نظرت لعلي
واني بهواكم ثبت جمر بدليلي وعلي
هاويك مدة وكت . ثاريك تظحك علي
وبلا سبب سلمت كلبي للمنيه

واليكم بعض الزهيري



حبل الموده حبيبي ارجوك بس متنه
وتدري علي ضيعت كلبي بجفاك بس متنه
محد يمنعني عن حبكم حبيبي بس موتنه
اسنين وتنه على هرشكم وشجرة
ولو جاي جان ابصرت فوك الخدود اشجرة
تدري يغالي الروح من جفاك اشجرة
ما صار شي يساهي العين بس متنه




اشرت ايدي غصب والكلب ناده وصفر
وصدرك يبين ذهب حته لو لابس صفر
اخدودك يغالي الكلب كيك بطحين الصفر
وعيونك شهل يا ترف احلى من العيون الخضر
من شوفتك يا حلو حشمت اهل العمايم خضر
بله كلوبنه بالعشك لسع بعدهن خضر
شفتك اميش الشعر حسبالي عيني صفر






يعراك لونك زهى مثل الگصب زل ماي
تغفر للمحب بارجائك اذا زل ماي
عندك ارجالن اشاوس بالاصل زلماي

خلدوا تاريخ وامجاد وبطوله وحكم
وگالوا للاعداء في سوح الوغى ويحكم
لازم يدور الوكت ويعود النا الحكم
وانهين صولاغ هو والمالكي وزلماي





عيني يدنيا التفقدلها ولد عيني
وعني معاها انمرد بيها الكلب عني
عني شويت فرح يم دارها عني
لا يضل سهمج غدر بكليبها غالي
ويضل كلبها بجدر حزن وهضم غالي
تبجي على ابنها بحزن وتصيح يا غالي
ما جان اني بمكانك يا بعد عيني