برنس المستنصرية
V.I.P
عدد المساهمات : 68
تاريخ التسجيل : 31/08/2009
العمر : 36
 |  موضوع: ابوذيات حب الأربعاء سبتمبر 02, 2009 2:37 pm | |
| 1-جرح البيه كافيني وزايد
واظل للموت احبنكم وزايد
بمزاد الحب اريد اكعد وزايد
واكل للناس حبك بس الي
2-بمشيتك مااظن يمشي ملازم
وحسنك منكتب عنه ملازم
حبيبي لاتحط الاحمر ملازم
لان شفتك والورد صارن سويه
3-فصوص العين فص يمي وفص لك
يامن يوسف انت اصلك وفصلك
اخيطك بيدي تدريني وفصلك
واجيبك فيت يالترهم عليه
4-اللك مني سلام والف مرحب
شكثر مرت صداقه وشكثر مر حب
وحك الي شطر بالسيف مرحب
مثل حبك جذب مامر عليه
5-ترى ابالك الف حسبه وحسبه
وحزن كلبك اعدنه واحسبه
كلبك من يمر ادري واحس به
يرجف شوك من تصد عليه
6-باقي على الحزن عايش لساني
شكلك كلمه ماينطق لساني
لاشيعي اصير اليوم ولاسني
عراقي اني وعراقيتي الهويه
7-عظيمه احزان كلبي ماتصلني
عظم عاج وسيوفك ماتصلني
شماخطت اقلامك ماتصلني
انجوم السمه اقربلك عليه
8-اشفافك عسل حصتي منهن
وكطعلي شلاي سهمك مره منهن
اشكم مره لحكتك ومره منهن
مو انت طلعت وشصار بيه
9-اكتب شماردت تكتب واردلك
بساتين بوسط كلبي وورد لك
ارحل وابتعد وازعل وارد لك
لان الكلب بيدك مو بديه
10-اود الروح الهه من حلاهه
وصاب البشر سكر من حلاهه
انطي العمر الهه من حلاهه
وغصبا عالعمر صارت اليه
11- ماله البخت مايل ماله حضنه
فرح مره بدربنه مالحضنه
المحب مومال اعوفه مال احظنه
وابوسه بشفته العمت عليه
12-جره دمعي على خدودي مراحل
ويهل حبك بدلالي مراحل
احلفك اذا ناوي هجري خليهه مراحل
وغفله وتسد بابك عليه
13-حبيبي عليك كلي منته جنه
اليكلك نار جذب منته جنه
تدري شيصير بيه من تجي النه
كبل بابي الكلب ياخذ تحيه | |
|
rorors
* مشرفة عامة *
عدد المساهمات : 108
تاريخ التسجيل : 01/09/2009
العمر : 36
| | موضوع: رد: ابوذيات حب الخميس سبتمبر 03, 2009 8:05 pm | |
| 12-جره دمعي على خدودي مراحل
ويهل حبك بدلالي مراحل
احلفك اذا ناوي هجري خليهه مراحل
وغفله وتسد بابك عليه
برنس ماخلوها مراحل ع غفله و سدو باهم عليه | |
|
برنس المستنصرية
V.I.P
عدد المساهمات : 68
تاريخ التسجيل : 31/08/2009
العمر : 36
| | موضوع: رد: ابوذيات حب الخميس سبتمبر 03, 2009 9:45 pm | |
| هههههههه انشالله ماكو باب ينسد | |
|
