همـــــــــــــــــــــس الحبيب

اريد اتغزل بكلبك
واريد احجيهه طك بطك
واريد اوكف عمد يمك وعين بعين
وانت ادرى بصلافة روحي من تعشك
من تحجي العسل يتناكط من شفاك
وميزان وثرية بخدك تعلك
وخصرك جنه كاغد اعتني بممشاك
يارقة ورق وبوسه يتشكك
وكلبي يكوم يصفن من تناغي الروح
ولساني الطويل اكبالك اطبك
ياعين الفلا وياحنة العرسان
باطل كل حجينه وبس حجيك الحك
بعيونك السوده لاتلاوي بحور
وخطية البحر هم زحمه يتغرك
واني ادري الكمر ماجان فوك هناك
من عاين جمالك وحده اتعلك

» بين الحبيب والحبيبه