العجوز
ريت الشباب يعود واتعنه لهلج
وكون الخوات هواي بيهن ابدلج
الطفله
ياجدي وكتك راح والنفس خضرة
فشله الحجي عالشوك للكاضي عمرة
العجوز
ياترفه خضرة الرح ليش التعدي
واثرت بيه هواي جلمة يجدي
الطفلة
لا تزعل على الريم لو نفر منك
دور على التهواك من كبر سنك
العجوز
اعرف قطار الشوك مر وجزاني
وداروا عليه اثنين شيبي وزماني
التراث القديم
الزوجة:
اكعد نهارك فات اوه امداني خلصت عمرك نوم تشخر بذاني
الزوج:
متكلي شتريدين خليني نايم اليصبح بوجه البوم يشبع شتايم
الزوجة:
كون انه بومه تكول جا انته الغراب من شفتك ولليوم تبحث بالتراب
الزوج:
بس بعد لاتحجين يم البراطيم غلطة انه بيج ارضيت وعليهة نادم
الزوجة:
لو كبل وجهك هاذ شايفتة انة جا انتة والوياك شلعت اذانة
الزوج:
وجهج مزنجر دوم مثل الحديدة لو جلفة انة بسيم ما اظن يفيدة
موضوع: دارميات